Swansea University is home to a range of first class conference and event spaces.
Mae Prifysgol Abertawe’n cynnig popeth sydd ei angen ar gyfer eich cynhadledd neu’ch digwyddiad. Gan gynnig ystod eang o ofodau i gynnal cyfarfodydd neu ddigwyddiadau ar draws dau gampws glan môr prydferth, rydym yn cynnig y lleoliad perffaith ar gyfer eich cynhadledd yn Abertawe.
Yn ogystal â darparu rhai o’r lleoliadau gorau ar gyfer cynnal cynadleddau a digwyddiadau yng Nghymru, mae Prifysgol Abertawe hefyd yn cynnig arlwyo ardderchog ar gyfer digwyddiadau ac ystod o gyfleusterau ar y safle i’ch cynadleddwyr eu mwynhau; gan gynnwys llety ar y safle i gynadleddwyr rhwng mis Mehefin a mis Medi a thîm o staff Gwasanaethau Digwyddiadau ymrwymedig sydd â degawdau o brofiad ym maes rheoli a chefnogi digwyddiadau.
Darganfyddwch fwy am ein diweddariadau Covid-19 yma.
Ni waeth a ydych yn cynnal brecwast busnes bach neu'n trefnu cinio mawreddog pwysig, rydym ymysg y lleoliadau mwyaf blaenllaw yn Abertawe ar gyfer cynnal digwyddiadau, a gallwn sicrhau y bydd eich achlysur yn un cofiadwy, gyda bwyd o'r radd flaenaf, sylw i fanylion a gwasanaeth cwsmeriaid rhagorol.
Mae Prifysgol Abertawe yn fwy na lleoliad cyfarfodydd a digwyddiadau â channoedd o gyfleusterau amlbwrpas a llety ar y safle yng nghanol Abertawe yn ne-orllewin Cymru – ar ben hynny, mae gennym dîm o weithwyr proffesiynol iawn sydd â phrofiad helaeth o’r diwydiant digwyddiadau ac sy’n gallu eich helpu gydag unrhyw agwedd ar eich digwyddiad, o gynllunio i reolaeth ar y safle. Cliciwch yma i weld sut gallwn eich helpu i gynnal digwyddiad gwirioneddol lwyddiannus.