Canolfan y Celfyddydau Taliesin

Mae Canolfan y Celfyddydau Taliesin yn leoliad nodedig yng nghanol Campws Singleton Prifysgol Abertawe sy’n cynnal rhaglen amrywiol o ddigwyddiadau diwylliannol, dangosiadau sinema, arddangosfeydd a pherfformiadau byw, o ddawns a drama i jazz a cherddoriaeth y byd. Gweler ein Digwyddiadur

Mae’r lleoliad, sydd wedi’i leoli ar lawr cyntaf adeilad Taliesin, hefyd yn ddelfrydol ar gyfer digwyddiadau a chynadleddau. Mae lle i hyd at 366 o westeion yn yr awditoriwm pwrpasol, sy’n cynnwys yr offer clyweledol a’r cymorth technegol diweddaraf. Gall y bar a’r cyntedd deniadol gynnal arddangosfeydd, lluniaeth a derbyniadau.

Os hoffech archebu Canolfan y Celfyddydau Taliesin (awditoriwm a/neu’r bar a’r cyntedd) cysylltwch â’r Rheolwr Lleoliad a Gweithrediadau, Rhian Jones: rhian.jones@swansea.ac.uk a fydd yn cynghori ar argaeledd a chost.

Mae Creu Taliesin ar lawr gwaelod adeilad Taliesin. Gallwch ddod o hyd i ragor o wybodaeth yma: Taliesin Create – Prifysgol Abertawe